मुक्तक्

के मागुँ हेर्न चाँदनी,सापटी जूनको त्यो
बन्दकी राखेँ छातीमा,मुहार उनको त्यो
परदेशको निस्वाश,घरदेशको धड्कन  
झंकार सुन्छु बारम्बार,मायालु धुनको त्यो

मुक्तक

हराए अचेल बिनायो र मचुंङ्गाको तालहरु
मासिए जंगलमा डाँफे र मुनालका चालहरु
डर भो अब यहाँ देशै मासिन्छ कि भन्ने
उर्लिंदो छ झन् एकले अर्कोलाई हान्ने छालहरु

मुक्तक

तिमीलाई भुल्न पनि सकिन

तिम्रो नजिक डुल्न पनि सकिन
हाँगै भाँच्यौ कि जरा मार्यौ कुन्नि ?
कहीं फक्रेर म फुल्न पनि सकिन

मुक्तक

दु:ख टेक्दै हिड्दा हिड्दा धेरै कहर भेटें

त्यै टेक्दै माथि जाँदा एउटा सहर भेटें
जिन्दगी र मनको पिडा त्यहाँ पोख्दा मैले
श्रम गरी जिउन पाउँने नयाँ प्रहर भेटें

मुक्तक

तिमीले मुख खोल्यो र मैले नि बाँध्न सकिन

रित्तिएकै थियो मन त्यै पनि साँच्न सकिन

तिमी मेरो कोही हैन, साईनो पनि अब छैन

माग्नै पर्ने अधिकार त्यसैले आज माँग्न सकिन

~**मुक्तक**~

जन्मिनुको अर्थ बुझे,जीवन मोती हो l
मन खोली जगत हेरे,जीवन ज्योति हो l
दुई दिन बाँच्दा रिस दोष किन गर्ने सखी ?
जीवन केवल समयको एकछाक रोटी हो l

दुई ~ मुक्तक ~

शिखर पुग्न फेदीबाट भीर चढ्न थालेकोछु

आफैसंग आफै अब युद्ध लड्न थालेकोछु

बर्षौं सम्म नियतिले फेदै लगाई काट्यो 

त्यसैले इन्ची इन्ची उँभो बढ्न थालेको छु

दुई ~ मुक्तक ~

वारी छोडी फड्को मारी पारी खोली तरे पछि

दाउ छोपी मन रित्याई मनकै झोली भरे पछि

देशको देउता मान्ने तिमी,गाउँको भूत परें म त

नजिक बस्ने आधार के नै?तिम्रै मुटु सरे पछि

~रुवाई~

आजभोली छातीभित्र धेरै दुखेको छ

मुटुसंग ठोक्किँदा मुटु मेरै चुकेको छ

ओसिएछ तन-मन यस्तै लाग्छ अचेल

आँखाभित्रै आँशुहरु सबै सुकेको छ

तीन हरफे कविता

~मायाको ऐठन~

भनि हालूँ लाग्ने

जोसंग पायो उहीसंग

भन्न पनि नमिल्ने!

 ~मुक्तक~

~रुवाई~

सकिन रोक्न आँशुको प्याल थमाई जानेलाई
रुएको आवज सुनेर मेरो रमाई जानेलाई
मनैको सौदा नमिले पछि मुटुमा तिर घोपी
नौनी झैं मन बरफ जस्तो जमाई जानेलाई

~दुई मुक्तक~

जिन्दगी रित्याई हृदय खोली दे'कै हो तिमीलाई
सास मैले राखी, मुटुको झोली दे'कै हो तिमीलाई
किन्नलाई तिम्रो एक पेट सुख, मै मरी दिई
पसिना बगाई कमाको तोली दे'कै हो तिमीलाई

- तीन मुक्तक

आजभोली मेरो गीतमा धुन छैन यहाँ ।
मनको रित्तो आकाशमा जून छैन याहाँ ।
टिलपिल गर्ने ताराहरु चम्किँदोछन् हजार,
जीवन बाली ज्योति दिने गुन छैन यहाँ ।१।